Background image

Joekskepèl D'n Heiten Haspel

Welkom op ‘t joeksige thoèsblaad van Joekskepèl D’n Heiten Haspel

Gaer legge weej veur og wat weej oetbeelde tiedes de optochte van Venlo en Blierick. Zoeëas geej wellich weit tuune weej groeëte affiniteit mit historieke lekkernije, wie zapiekanka (Is in 2013 al aan bod gekomme toen weej ’t motto ‘Kok Sôkker’ hadde), maar ouk hebbe weej fikse bewondering veur vergaete ambachte en kunstenarieje. Zoeë zien weej fervent beoefenaer van de oeëts adelikke Pruisische sport van ’t mit 1 erm hoeëghalde van ‘n opgeblaoze verkesblaos. Contemporain daon we dit mit ‘n balunke, maar vanwaege de greuiende anti balon bewaeging zien weej genoeëdzaak te zeuke nao alternatieve middele. Dit verklaort drek ’t groeët aantal haspelkiendjes.

Maar ik dwaal aaf. De vastelaovend van 2020 steit in ’t teiken van petomanie, ofwaal de tot ‘n waore kunst verhevelde bekwaamheid van ’t op commando oetoefene van aarselikke lóchstruiminge. Dao blief ’t neet beej, want sec lóch oetblaoze is einfach. Nae, ‘nne echte petomaan kin mit zien lóchstruiminge klanke ten gehure bringe wao meinig joekskepel sjeloers op is. Autoriteit op ’t gebied van petomanie is wijlen Joseph Pujol, Fransosische veurvader van de 1e transgender op ’t voetbalveld: de Catalaan Carles Puyol. Later hebbe vuuel zien veurbeeld gevolg en is dae voetbalclub aan de Spaanse kust oetgegreuid wies ’t epicentrum van de lgbt-gemeinschap.

Truuk nao de antiheld van ’t verhaol. Talent hebbe is 1, maar wat Joseph deej is talent nao ‘n next level tille. Hae had zó’n vergevorderde eminente controle euver zien derm- en kringspiere. Hae zoog via zien anus lóch nao binne en excelleerde dao dit waer op dezelfde route as melodische klanke oet te rufte. Ze neumde um ouk wal ‘De Aarstrompet’, of ‘Miles le Blanc’ (refererend nao Miles Davis), of ‘De Fluitende Flatus’. Zien rippertoire bestond mit name oet Franse chansons, wie ‘Merde dans la Prairie’, ‘Kak Monsieur’ en ‘Beau Soleil, Beau Vent, Beau Temps’.

Hae besteeg de Franse Hitlies mit zien knallende ouvertures en waas ‘n gaer gezene gas op alles wao de beau monde van Frankriek op aaf kwaam. Veur efkes behuurde Joseph tot de fine fleur van cultuurminnend Metropolitaans Frankriek. Gauw genog perbeerde landlaupers mij te lifte op ’t suukses van Joseph. Ze begóste um te imiteren, maar dit ging smeis fout daordet ’t gaas det heejbeej ontstond van dermate slechte kwaliteit waas det ’t pebliek bedwelmd werd. Dit brach de Periese penoze op ‘n idee. Al gauw klopte zeej beej Joseph aan um misbroek te make van zien verdeenste. Hae werd zoeë onder drök gezatte det hae gedwonge werd um verkesblaoze te völle mit zien aarsgaas. Zoeë is de veurluiper van ’t huidige lachgaas gebaore en Joseph werd haufproducent. Zien geoutilleerde laeventje kwaam in ‘n neerwaartse spiraal terech. De golde regel in ’t drugscircuit waas aan um veurbeej gegaon: ‘don’t get high on your own supply’.

Veur de chic van Frankriek werd hae ‘n persona non grata. Hae waas verslaaf aan zien eige gaas. Zien laeve kwaam tot ‘n ind daor ‘n overdosis. Hae is in de gäöt gevonde mit ‘n slang van zien anus nao zien mond, det zörgde veur ‘n constante struiming van zien eige verdauvende middel.

Kom ós tiedes de vastelaovend bewondere en wellich ziet geej getuge van ‘n ongekind spektakel waorin weej Joseph iere en van um weer ‘n Achillespersonage make. De truuk van Bas mit zien platvink hebbe we ‘n upgrade gegaeve wao Hans Klok nog ‘n puntje aan wil zuge. Ózze eige William Wallace geit namelik perbere, as hae mit ziene kieëbus onderstebaove op zien knip steit, um Joseph Pujol te persiflere dao ‘n kers oet te blaoze mit zien aars. Heejbeej vleege de ‘bolts of lightning from his arse’ dich um de oeëre.

OPTREEJES

KONTAK

Steur os ein leef berichje, of wilse weite wat os lievelingskleur is? Drop dan heejonder dien naam en dien berich.

Netuurlijk kint geej øs auk vinde op ein van de onderstaonde sociale media kanale

MERSJANDISE

Kaup heej swag um dien veur D'n Heiten Haspel te laote zeen. Momenteel hebbe we de keuze oet ein van dees dreej met zörg ontworpe T-sjirts in de aanbieding veur de redelijke pries van 20 euro.

Vrinde...

Nieje instrumente zien deur, reparaties aan instrumente zien auk neet goojekaup, ‘t onderhald van ‘t Joeksmobiel kin auk aardig gepaeperd zien, partiture zien auk nog ens opgeslage en dan zien de rietjes veur ós saxefoniste auk nog ens neet billig!

Um mit de joekskepèl (ech Venloos cultureel erfgood) optimaal mit de vastelaovend (nog mièr erfgood) veur d’n daag te kómme hebbe weej de ‘Vrinde Van’ in ‘t laeve geroope. Geej kint vrind van joekskepèl D’n Heiten Haspel waere veur slechs € 15 per jaor!

Wilt geej Vrind Van waere? Maak dan minimaal € 15 euver naor bankrek.nr. NL52 RAB0 01677 33 265 t.a.v. Heiten Haspel o.v.v. dien N.A.W. gegaeves en i-meeladres.

Weej zien ós vrinde ontzettend dankbaar en auk super blie det geej ós finansjeel wilt ondersteune en daormei de Venlose Vastelaovend in ‘t algemein en joekskepèl D’n Heiten Haspel in ‘t biezónder ein werm hert toedraagt!